Ağır yaralanan sürücünü xilas etməyə gedən yol polisləri qəzaya düşdü - VİDEO

Ölümlə nəticələnən hadisə yerinə tələsən yol polisi avtomobili qəzaya düşüb. Avtosfer.az xəbər verir ki, Rusiyanın İvanov şəhərində baş verən hadisənin görüntüləri sosial şəbəkədə paylaşılıb.

Belə ki, “Toyota” markalı minik avtomobilnin sürücüsü 1.1 xəttinin tələbini pozaraq anidən əks zolağa çıxmaqla manevr etmək istəyib. Lakin bu zaman əks zolaqla xüsusi siqnalları qoşulmuş patrul maşını ona çırpılıb. Zərbənin təsirindən patrul maşını aşıb, digəri isə yerində bir dövrə vurub.

Qəza nəticəsində ölən və ciddi xəsarət alan olmayıb.

Yerli medianın yaydığı məlumata görə, yol polisi əməkdaşları başqa bir ağır yol qəzasının baş verdiyi yerə - ağır yaralanan sürücünün köməyinə tələsirlərmiş. Lakin həmin sürücü bir müddət sonra həyatını itirib.

Sözügedən qəzanın görüntülərini təqdim edirik:

Namiq Musayev