Avtosfer.az – 11 İL XİDMƏTİNİZDƏ - VİDEO

Bu gün Azərbaycanın yol hərəkəti mədəniyyətində özünəməxsus yer tutan Avtosfer.az saytının fəaliyyətə başlamasından 11 il ötür. 11 aprel 2014-cü ildə fəaliyyətə başlayan sayt bu illər ərzində minlərlə oxucunun informasiya ehtiyacını qarşılamaqla yanaşı, cəmiyyətin maariflənməsinə mühüm töhfələr verib.

Avtosfer.az-ın əsas missiyası yol hərəkəti iştirakçılarını düzgün və dolğun məlumatlarla təmin etmək, təhlükəsizliyin təmin olunmasında ictimai şüuru formalaşdırmaqdır. Sayt həm peşəkar, həm də adi sürücülər üçün faydalı xəbərlər, ekspert rəyləri, təlim videoları, hüquqi izahlar və gündəmin ən aktual məsələləri ilə çıxış edir.

Bu 11 ildə yalnız xəbər yaymaqla kifayətlənməyib, həm də oxucularla sıx təmasda olub, onların suallarını cavablandırıb, problemlərinə tribuna açıb. Avtosfer.az, eyni zamanda, yol hərəkəti sahəsində baş verən qanun dəyişikliklərini, yenilikləri və hadisələri obyektiv, operativ və dəqiq şəkildə ictimaiyyətə çatdırmaqda öncül platformalardan biri olaraq qalır.

Biz bu yolda bizimlə olan bütün oxucularımıza, ekspertlərimizə və yol təhlükəsizliyi sahəsində çalışan hər kəsə təşəkkür edirik. Qarşıdakı illərdə də maarifləndirmə yolumuzdan sapmadan daha geniş auditoriyaya çatmaq, daha faydalı olmaq üçün çalışacağıq.

Avtosfer.az – Yolunuzu bizdən salın!