Sumqayıtda qadını itələyən sürücü saxlanılıb – YENİLƏNİB + VİDEO

Xəbər verdiyimiz kimi, iyulun 16-da Sumqayıt şəhərində avtobus sürücüsü və sərnişin arasında insident baş verib. 

Avtosfer.az xəbər verir ki, insident nəticəsində sərnişin Sənubər Baxışəliyeva yüngül bədən xəsarətləri alıb.  Avtobusun sürücüsü Adil Kosayev isə hadisədən sonra işdən çıxarılıb.  “Sumqayıt Nəqliyyat-1” MMC-nin şöbə müdiri Dildar Hümbətova bildirib ki, baş verən hadisənin araşdırılması və qanuni tədbir görülməsi üçün aidiyyati qurumlara müraciət edilib.

*****

Sumqayıtda marşrut avtobusunda sərnişinlə sürücü arasında dava düşüb. Avtosfer.az xəbər verir ki, hadisə zamanı sürücü və avtobusda olan orta yaşlı qadın bir-birini söyüblər. Bundan sonra qadın sürücünün başına çanta ilə vurub. Daha sonra isə sürücü qadını itələyib. Zərbənin təsirindən sərnişin avtobusun qapısından bayıra düşüb.

Hadisə anını təqdim edirik:

Lent.az