Bakı-Sumqayıt yolunda qayda pozan “Niva” sürücüsü motosikleti vurdu - REAL VİDEO

Bakı-Sumqayıt yolunda qayda pozan sürücü qəzaya səbəb olub.

Avtosfer.az-ın məlumatına görə, hadisə bir neçə gün əvvəl günorta saatlarında qeydə alınıb. Belə ki, 69-BB-151 dövlət nömrə nişanlı “VAZ-2121” (Niva) markalı avtomobilin sürücüsü hərəkətdə olan motosikletə əhəmiyyət vermədən sağa manevr edib və onu sıxışdıraraq vurub. Xoşbəxtlikdən motosiklet sürücüsü idarəetməni itirmədən hərəkətinə davam edib. Qəzanı törədən sürücü isə istiqamətini dəyişərək ayrıcı maneədən sağa keçid edib.

Təəssüf ki, bəzi sürücülər motosiklet, moped və velosipedləri görməzdən gələrək hərəkət edirlər. Nəticədə onlar təhlükə yaradırlar, ən pis halda isə qəzalara səbəb olurlar. 

Qeyd edək ki, “Niva” sürücüsü öncədən düzgün zolağı seçməli və zolağın boş olduğuna əmin olduqdan sonra manevr etməli idi. Digər tərəfdən qanunvericiliyə əsasən, yalnız iki motosiklet, yaxud moped eyni zolaqda yan-yana hərəkət edə bilər. Bu hal digər nəqliyyat vasitələri üçün keçərli deyil. 

Nərmin