Bakıda oğurlanan maşın Ağsuda tapıldı - VİDEO

Bakıda oğurlanan “VAZ 21011” markalı maşın Ağsu rayonunda yararsız halda tapılıb.

Oxu.Az-ın məlumatına görə, dekabrın 13-də Bakı şəhəri, Nərimanov rayonu ərazisində Varis Almazlıya məxsus “VAZ 21011” markalı avtomobil qaçırılıb. 

Nərimanov Rayon Polis İdarəsi və Ağsu Rayon Polis Şöbəsi əməkdaşlarının birgə keçirdikləri əməliyyat tədbirləri nəticəsində həmin avtomobil Ağsu şəhəri ərazisində tapılıb. 

Avtomobili qaçırmaqda şübhəli bilinən Ramin Səlimov saxlanılıb və daha bir nəfərin şəxsiyyəti müəyyən olunub.

Faktla bağlı Nərimanov RPİ-də araşdırma aparılır.