Bakıda qeyri-adi oğurluq: Qaraçılar mağazadan xəngəl oğurladılar - VİDEO

Paytaxtdakı mağazaların birində maraqlı oğurluq hadisəsi baş verib.

Avtosfer.az xəbər verir ki, dünən axşam saatlarında bir qrup qaraçı mağazadan oğurluq edib.

Belə ki, bir neçə qaraçı həm kameranın önünü kəsmək, həm də satıcının başını qatmaq üçün bir yerə yığışıb və mağazanın önündə yerə düzülən xəngəl paketlərindən birini götürüb aradan çıxıblar. Onlar diqqəti yayındırmaq üçün əvvəlcə ərazidə “kəşfiyyat işləri” görüb, daha sonra yerdəki xəngəlləri götürmək qərarına gəliblər.

Hadisə ilə bağlı mağaza sahibi Firuz Qurbanov saytımızın qaynar xəttinə məlumat verib. O, oğurluq anının təhlükəsizlik kameralarına düşdüyünü və görüntülərin araşdırılması üçün aidiyyəti qurumlara təqdim ediləcəyini bildirib.

Eltac Zülfüqaroğlu