Bakıda quraşdırılan ölüm pandusları - Səkilər əlillər üçün problemlidir - VİDEO

Fiziki məhdudiyyəti olan, yerimə qabiliyyətini itirmiş vətəndaşlarımızın gündəlik həyatında üzləşdiyi ən böyük çətinlik hər kəsə yaxşı məlumdur. Paytaxt küçələrində sərbəst hərəkət edə bilməmələri. Ona görə yox ki, kimsə onlara gözün üstdə qaşın var deyir. Ona görə ki, bir zamanlar yalnış qurulmuş infostruktur buna imkan vermir. Deyirik, dillərdən eşidirik amma bunu bir də canlı yaşamaq var.

Məsələ ilə bağlı ekspert Elməddin Muradlı bildirib ki, əlillər üçün quraşdırılmış panduslar yararsızdır. “Fərdi qaydada heç bir kömək olmadan bu pandusları düşüb-qalxmaq mümkün deyil. Bakının səkilərində hərəkət etmək nəinki əlil vətəndaşlar üçün, heç sağlam vətəndaşlar üçün də böyük bir qəhrəmanlıqdır.”
Hüquqşünas Ərşad Hüseynov bildirib ki, mövcud problemi iki qrupa bölmək olar. “Birincisi çox rahatlıqla həll oluna bilər. Eyni zamanda kifayət qədər investisiya tələb edən çatışmamazlıqlar var. Bardürlərdə pandus yaratmaq mümkündür, amma yeraltı keçidlərdə bu sistemin yenidən qurulması ciddi investisiya tələb edir.”

Ətraflı videosujetdə:

Nərminə Əli