Bakıda sürücülər yolun ortasında əlbəyaxa oldu - SƏBƏB - VİDEO

Paytaxtın Mikayıl Üseynov küçəsində iki sürücü arasında mübahisə yaranıb. Avtosfer.az xəbər verir ki, 10-NE-111 dövlət nömrə nişanlı, "Audi" markalı avtomobilin sürücüsü ən sol zolaqdan "Dalğa Plaza"nın parkinqinə daxil olmaq üçün dönmə edib. Bu zaman digər sürcülərin yolunu kəsib, hərəkət tam olaraq dayanıb. Buna etiraz edən "Toyota Prius" markalı avtomobilin sürücüsü isə onunla mübahisə edib. Digər sürücülərə səsi çıxmayan "Audi"nin sürücüsü nədənsə "Prius" sürücüsünü üstünə cummağa başlayıb. Digər sürücülərin də ona etiraz etdiyini gördükdə isə geri qayıdıb.

Qeyd edək ki, adıçəkilən ərazidə vəziyyət xüsusilə pik vaxtlarda acınacaqlı olur. Belə ki, sürücülər bütün zolaqları zəbt edərək parkinqə girmək istəyir. Bu da uzun tıxaclara səbəb olur. Ümid edirik ki, yol polisi orada zolaqlar üzrə hərəkət sxemini müəyyən edərək yolkəsən sürücüləri cərimə etməklə problemi aradan qaldırmış olacaq.

Videonu təqdim edirik:

Fərid