Bakıda xanım sərnişinlər sürücünü aldadıb aradan çıxdılar - Diqqətli olun - VİDEO

Bakıda sərnişinlər taksi sürücüsünə ödəniş etmədən çıxıb gediblər. 

Avtosfer.az xəbər verir ki, zərərçəkmiş sürücü hadisəylə bağlı sosial şəbəkə hesabında paylaşım edib. Onun iddiasına görə, xanım müştərilər dələduzluq edərək ərazidən uzaqlaşıblar.  
Belə ki, “Memar Əcəmi” metrosu yaxınlığında düşən sərnişinlər öncə ödənişi kartla edəcəklərini bildiriblər. Ardınca kart hesablarının olmadıqlarını qeyd edərək gediş haqqını “M10”la sürücünün kartına köçürəcəklərini deyiblər. Fikrini dəyişən xanımlar daha sonra ödənişi başqa bir şəxsin kartla edəcəyini bildirərək maşından düşüblər. Sürücü sərnişinlərə yaxınlaşaraq kart hesabının onlarda olub-olmamasını soruşub. Bu zaman xanım sərnişinlərdən biri “hə” deyərək ödənişi qısa zamanda edəcəklərini və bu baxımdan sürücünün narahat olmamasını bildiriblər.

Lakin uzun müddət gözləyən sürücü kart hesabına pulun köçürülmədiyini qeyd edərək taksi fəaliyyətiylə məşğul olanları diqqətli olmağa çağırıb. 

Nərmin