Başqasının sığortasız maşınını sərxoş halda sürən qadın sürücü 4 avtomobili əzdi - VİDEO

Avtomobili binanın divarına çırpıb dörd nəqliyyat vasitəsini əzən qadın sürücü görüntülənib.

Avtosfer.az xəbər verir ki, hadisə Rusiyanın Xabarovsk şəhərində baş verib.

Belə ki, 44 yaşlı qadın 5 yaşlı oğlu ilə birlikdə qəbiristanlığa getmək üçün "Toyota Vitz" markalı avtomobilə miniblər. Maşını işə salan qadın anidən sükan idarəetməsini itirərək öncə binanın divarına, daha sonra isə 4 nəqliyyat vasitəsinə çırpıb.

Zərərçəkənlərin çağırışı ilə hadisə yerinə polis əməkdaşları gəliblər. Aparılan yoxlama zamanı 44 yaşlı qadının 2,2 promil sərxoş olduğu məlum olub. Bundan əlavə, avtomobilin ona məxsus olmadığı və sığortasının bitdiyi də üzə çıxıb.

Sözügedən qəzanın videosunu təqdim edirik:

Namiq Musayev