“BMW”ni sahibinin gözü qarşısında QAÇIRDI – Yanacaqdoldurma məntəqəsində hadisə - VİDEO

Avtomobili sahibinin gözü qarşısında oğurlayıb qaçıran şəxs təhlükəsizlik kamerasının obyektivinə düşüb. Avtosfer.az xəbər verir ki, ABŞ-də baş verən hadisənin görüntüləri sosial şəbəkələrdə paylaşılıb.

Kadrlarda yanacaqdoldurma məntəqəsində qara rəngli “BMW”yə benzinin vurulduğu və avtomobilin arxasında sahibinin dayandığı görülür. Bir müddət sonra isə ağ rəngli avtomobilin arxa qapısından bir nəfər düşərək əyilə-əyilə “BMW”yə yaxınlaşaraq sükan arxasına keçir. Bundan xəbər tutan avtomobilin sahibi oğruya mane olmağa çalışsa da onun silahlı müqaviməti ilə qarşılaşır. Oğru maşını sürətlə sürərək oradan uzaqlaşır.

Hazırda polis cinayətkarın axtarışlarını davam etdirir.

Avtosfer.az baş verən hadisənin videosunu təqdim edir:

Namiq Musayev