Bu küçədə sürücülər qayda pozmağa məcbur edilir - VİDEO

Paytaxtın Mikayıl Müşfiq küçəsində hərəkətin təşkilində ciddi problemlər var. Avtosfer.az-ın rəhbəri, nəqliyyat eksperti Elməddin Muradlı bu barədə videogörüntü paylaşıb. Ekspert qeyd edir ki, Mikayıl Müşfiq küçəsi ilə İsmayıl bəy Qutqaşınlı küçələrin kəsişməsində sağ zolaqda yalnız sağa dönmə nişanı qoyulub. Bu isə sürücülər üçün çətinlik yaradır. Belə ki,  küçədə ən sağ zolaq velosipedçilər üçün ayrılıb. 

Sağ zolaqda isə düzünə hərəkət qadağandır. Lakin İsmayıl bəy Qutqaşınlı küçəsinə nadir hallarda avtomobillər dönür. Burada əsas yük düzünə Abdulla Şaiq küçəsi istiqamətindədir. Yaxınlıqda isə avtobus dayanacağı var. Avtobuslar dayanacaq çıxanda isə sağ zolağı tərk edə bilmir. Çünki ərazidə daimi sıxlıq mövcuddur. Odur ki, avtobus sürücüləri qayda pozmağa məcbur olur.

Qeyd edək ki, bir müddət əvvəl də həmin ərazidə velosiped zolağı olmayanda analoji hal mövcud idi. Avtosfer.az məsələni işıqlandırandan sonra yol hərəkətində dəyişiklik edildi. Velosiped zolağı çəkildikdən sonra isə yenidən həmin nişan qoyulub. Ümid edirik ki, bir dəfə etdiyi səhvi təkrarlayan qurum bunu aradan qaldıracaq.
Videonu təqdim edirik:

Fərid