Bu zolağa girənlərə cərimə yazılmayacaq - SÜRÜCÜLƏRƏ ŞAD XƏBƏR - VİDEO

Paytaxtda keçirilən COP29 tədbirindən dərhal sonra təşkil edilmiş xüsusi zolaqların əksəriyyəti ləğv edildi. Lakin bəzi küçələrdəki həmin zolaqlar avtobuslar üçün istifadəyə verildi. Bunlardan biri də Neftçilər prospekti oldu.

Qeyd edək ki, sözügedən prospektdə nəqliyyatın hərəkəti intensiv olduğu üçün yolda tıxac yaranırdı. Bu isə insanların narazılığına səbəb olurdu. Bunu nəzərə alaraq bir neçə gün əvvəl həmin zolağı ləğv etdilər. Lakin əksər sürücülər hələ də həmin zolaqla hərəkət etməyə çəkinirlər.

Sürücülərin nəzərinə çatdıraq ki, Neftçilər prospektinin Muzey Mərkəzi ilə kəsişməsindən Azneft dairəsinə qədər olan hissəsində avtobus zolağı ləğv edildiyi üçün sağ zolaqla rahatlıqla hərəkət edə bilərlər. Lakin həmin zolaqda 3.27 nişanı olduğu üçün, orada dayanmaq qadağandır.

Könül Rauf