![Adına beş şirkət açıldı: vergi borcu gələndə xəbər tutdu - VİDEO](/upload/news/small/3478829.jpeg)
DİN ekologiyaya ziyan vuranları aşkarladı - FOTO
![DİN ekologiyaya ziyan vuranları aşkarladı - FOTO](/upload/news/1791688.jpg)
Polis əməkdaşları tərəfindən aidiyyəti dövlət qurumu ilə birgə ekoloji təhlükəsizlik və sanitariya-gigiyena qaydalarının pozulması hallarının qarşısının alınması məqsədilə tədbirlər davam etdirilir.
DİN-in Mətbuat Xidmətindən Avtosfer.az-a bildirilib ki, avqustun 12-də paytaxtın Suraxanı rayonunun Qaraçuxur qəsəbəsində keçirilən tədbir zamanı köhnə kərpic zavodu adlanan əraziyə “Mersedes” markalı yük avtomobilindən tullantıların boşaldılması müəyyən edilib.
Avqustun 13-də paytaxtın Qaradağ rayonunun Qızıldaş qəsəbəsi ərazisində keçirilən növbəti tədbirlər nəticəsində “Kamaz” markalı yük avtomobili ilə qum təbəqəsinin dənizdən çıxarılması faktı aşkar olunub.
Sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsinə, eləcə də icazə olmadan və ya icazə şərtlərini pozmaqla yerin təkindən istifadə edilməsinə görə hər iki yük avtomobilinin sürücüsü barədə inzibati tənbeh tədbiri tətbiq edilib.