Duracağa aparılan motosikl sürücülərinin vəsiqəsi yox imiş- RƏSMİ AÇIQLAMA - VİDEO

Bakı Şəhər Dövlət Yol Polisi İdarəsindən sorğumuza cavab olaraq bildirildi ki, həmin nəqliyyat vasitələrini idarə edən şəxslərin idarəetmə hüququ, eləcə də nəqliyyat vasitələrinin dövlət qeydiyyat nişanı olmadığı üçün mövcud qanunvericiliyin tələblərinə uyğun olaraq hərəkətdən kənarlaşdırılıb. Mühafizə olunan duracağa təmin olunub və barələrində qanunamüvafiq tədbirlər həyata keçirilib.

***

22.01.2023, 19:57

***

Sosial şəbəkədə qayda pozan motokuryerlərin saxlanılaraq motosikletlərinin duracağa aparılması ilə bağlı video yayılıb.

Avtosfer.az xəbər verir ki, bu gün günorta saatlarında Bakının Nəsimi rayonunda motokuryerlər yol polisi tərəfindən saxlanılaraq motosikletlərinin cərimə meydançasına aparılması ilə bağlı şikayətləniblər.

Belə ki, motosiklet sürücüləri deyib ki, Dövlət Yol Polisinin əməkdaşları rayonun Neftçilər prospektində Dəniz vağzalının qarşısında onları saxlayıb və hansısa protokol tərtib etmədən motosikletləri duracağa aparılmaq üzrə evakuasiya edilib. Baş verən hadisəni telefonla çəkən motokuryerlər iddia edib ki, bunun üçün əraziyə post-patrul əməkdaşları da çağırılıb və hətta sürücülərdən biri 34-cü polis bölməsinə aparılıb.

Məsələ ilə əlaqədar Bakı Şəhər Dövlət Yol Polisinə müraciət etdik. Qurumdan məsələ ilə bağlı araşdırmalar yekunlaşdıqdan sonra açıqlama veriləcəyi bildirildi.

Sosial şəbəkədə yayılan həmin videonu sizə təqdim edirik:

Səfər