“Ekologiya postu”nda istifadəyə yararsız avtomobil saxlanılıb duracağa yerləşdirildi - 99-JM-588 -VİDEO

Baş Dövlət Yol Polisi İdarəsinin Ekoloji Nəzarət üzrə Yol Patrul Xidməti Bölüyünün əməkdaşları 99-JM-588 qeydiyyat nişanlı “Volkswagen” markalı avtomobili saxlayıb.

Avtosfer.az xəbər verir ki, saxlanılan avtomobilin konstruksiyasında müəyyən dəyişikliklər edilib və texniki cəhətdən nasaz vəziyyətdə olduğu müəyyənləşib. İşıq cihazları, ön alın şüşəsi və maşının salonu nəqliyyat vasitəsinin istismarını qadağan etmək üçün əsas verib. Qeyd edilənləri nəzərə alaraq, yol polisi əməkdaşları nəqliyyat vasitəsini cərimə meydançasına yerləşdirib.

Əldə etdiyimiz görüntülərdən də aydın olur ki, nəqliyyat vasitəsinin salonunda yükdaşıma qaydalarının kobud şəkildə pozulması müşahidə edilir. Salon həddən artıq çirkli, oturacaqlar tamamilə bərbad vəziyyətdədir. Nəqliyyat vasitəsini qeyd olunanlar fonunda idarə etmək təhlükə yaratdığı üçün avtomobilin istismarına icazə verilməyib.

Həmin görüntüləri sizə təqdim edirik:

Səfər