Əks yola çıxan “Mitsubishi” “Opel”lə toqquşdu: 5 nəfər öldü, 6 nəfər yaralandı – FOTO + VİDEO

Moldovada iki nəqliyyat vasitəsinin iştirakı ilə ağır yol qəzası baş verib. Avtosfer.az xəbər verir ki, hadisə iyunun 10-da səhər saatlarında Kişinyov şəhəri yaxınlığında Kodryanka kəndi ərazisində qeydə alınıb.

Məlumata görə, “Mitsubishi” markalı minik avtomobilinin 22 yaşlı sürücüsü “ötmək qadağandır” nişanının tələbini pozaraq əks yola çıxaraq ötmə əməliyyatını yerinə yetirib və əks yolda hərəkətdə olan 37 yaşlı sürücünün idarə etdiyi “Opel” markalı minik avtomobili ilə toqquşub.

Zərbənin təsirindən hər iki avtomobildə yanğın başlayıb.

Qəza zamanı maşınlarda ümumillikdə 11 nəfər – “Mitsubishi”də 3 yetkin və 2 uşaq, “Opel” də isə 3 yetkin və 3 uşaq olub. Nəticədə 5 nəfər yanaraq ölüb.

Bildirilir ki, xilasediclər gələnə kimi, hadisə şahidləri “Opel”dən 1 yetkin və 2 uşaq, “Mitsubishi”dən 3 uşaq xilas ediblər. Yaralılar daha sonra xəstəxanaya aparılıblar.

Faktla bağlı araşdırma aparılır.

Namiq Musayev