Gəncədə “Jiquli” ilə tozu dumana qatan “avtoş” sürücü saxlanıldı - RƏSMİ - VİDEO

DİN-in Mətbuat Xidmətinin Gəncə regional qrupunun baş inspektoru Eşqin Qasımov Avtosfer.az-ın sorğusuna cavab olaraq bildirib ki, sözügedən avtomobilin sürücüsü Gəncə Şəhər Baş Polis İdarəsinin Dövlət Yol Polisi Şöbəsinin əməkdaşlarının keçirdikləri müvafiq tədbirlər nəticəsində müəyyən edilib. Sürücü barəsində qanunamüvafiq tədbir görülüb və avtomobil mühafizə olunan duracağa müvəqqəti yerləşdirilib.

                                                                     ***

Gəncədə qaydaları kobud şəkildə pozan sürücü özünü videoya çəkərək sosial şəbəkə hesabında paylaşıb.

Avtosfer.az-ın məlumatına görə, 57-BD-880 dövlət nömrə nişanlı “VAZ-21013” markalı avtomobilin sürücüsü yolda sərt manevrlər edərək qəza riski yaradıb. Belə ki, əl əyləcindən istifadə edən sürücü avtomobili fırladaraq yolda drift edib. Bu zaman o, özüylə yanaşı videonu qeydə alan maşına və yolun kənarındakı piyadaya təhlükə yaradıb. 
Digər görüntüdə isə, sürücü işıqfora məhəl qoymadan qırmızıda keçib.

Xatırladaq ki, sürücünün törətdiyi qayda pozuntusu avtoxuliqanlıqlıq göstəricilərinə əsaslandığı üçün İnzibati Xətalar Məcəlləsinin 511.1-ci maddəsiylə nizamlanır.

Nərmin