Harada gəldi maşının qapısını açan sürücülər təhlükə yaratdı - VİDEO

“Yol hərəkəti haqqında” qanunun əsas tələblərindən biri də sürücünün manevr qaydalarına reaksiyasıdır. Burada ilk növbədə avtomobili hərəkətə gətirərkən sürücü nələr etməlidir sualına cavab tapırıqsa, eyni zamanda avtomobili dayandırdıqdan sonra da sürücünün nələrə diqqət etməsi vacib şərtlərdəndir. Onlardan biri də maşını saxlayan kimi qapını açıb təhlükəli vəziyyət yaradan sürücülərdir. Avtosfer.az-ın təqdim etdiyi bu videomaterial Bəşir Səfəroğlu küçəsində, Ağır Cinayətlər Məhkəməsinin yanında çəkilib. Göründüyü kimi, sağda park edilən iki avtomobilin sürücüsü qəflətən qapını açaraq maşından düşürlər və beləliklə də onsuz da darısqal olan küçədə təhlükəli vəziyyət yaradırlar. Hərəkətdə olan avtomobilin sürücüsü bir az diqqətsizlik etsə, maşının qapısını qırıb aparacaq. 
Belə hadisələr çox olur. Ona görə də sürücüləri diqqətli olmağa, qapını açmamış yaxınlaşmaqda olan nəqliyyat vasitəsinin olub-olmadığına diqqət etməyə çağırırıq.

Nərminə Əli