Hər cür qayda pozub sosial şəbəkədə paylaşan sürücü CƏRİMƏLƏNDİ; vəsiqəsiz imiş - VİDEO

Şamaxıda yol hərəkəti qaydalarını pozan sürücü özünü videoya çəkərək sosial şəbəkə hesablarında paylaşıb.

Avtosfer.az-ın məlumatına görə, 11-BE-363 dövlət nömrə “VAZ-2106” markalı avtomobilin sürücüsü nəqliyyat vasitəsini nasaz vəziyyətdə, sürücülük vəsiqəsi və dövlət nömrə nişanı olmadan idarə edib. Eyni zamanda o, maşının konstruksiyasına müdaxilə edib və nəqliyyat vasitəsinin ön alın şüşəsinə operativ operativ nəqliyyat vasitələri üçün nəzərdə tutulmuş göy və qırmızı sayrışan işıq siqnalı quraşdırıb.

DİN-in Mətbuat Xidmətinin Şəki regional qrupundan Avtosfer.az-ın sorğusuna cavab olaraq bildirilib ki, sözügedən sürücü polis əməkdaşları tərəfindən müəyyən olunub və barəsində İnzibati Xətalar Məcəlləsinin müvafiq maddələri ilə protokol tərtib edilib.

Nərmin