Bakıda iki "Mercedes" toqquşdu - 4 kilometrlik tıxac yarandı - VİDEO

Bakı kəndlərinin birinə gedən yolda - Balaxanı yolunda yol qəzası baş verib. Avtosfer.az xəbər verir ki, “Mercedes” markalı iki minik avtomobili toqquşub. Hadisə şahidlərinin sözlərinə görə, qəza nəticəsində yolda 4 kilometrlik tıxac yaranıb.
Qeyd edək ki, bu kimi hallarda sürücülər zədə almış avtomobillərin şəkil və videolarını lentə alaraq daha təhlükəsiz tərəfə keçə bilərlər. Lakin sürücülər israrla sığorta şirkəti əməkdaşlarını və yol polisini gözləyərək saatlarla tıxaca və sıxlığa səbəb olular. Bu da digər sürücülərin haqlı narazılığına gətirib çıxarır.
Yay mövsümünü nəzərə alsaq vətəndaşların dəniz kənarına və bağ evlərinə olan avtomobil axınını hər bir sürücü anlayışla qəbul etməli, yollarda daha səbirli və təmkinli olmalı, ən əsası isə yol-nəqliyyat qaydalarına əməl etməlidir.

Nərminə Əli