İki milyonluq “Ferrari” işıq dirəyinə ÇIRPILDI: Superkara ciddi ziyan dəyib – QƏZA ANI

Böyük Britaniyada nadir “Ferrari F40” qəzaya uğrayıb. Avtosfer.az yerli mediaya istinadən xəbər verir ki, hadisə Londonun şimalında, Markyate yaxınlığında, A5 avtomagistralında baş verib.

Məlumata görə, superkar sınaq sürüşü zamanı sürücünün idarəetməsindən çıxaraq yol kənarındakı işıq dirəyinə çırpılıb.

Bildirilir ki, qəza nəticəsində sürücü xəsarət alıb, avtomobilə də ciddi ziyan dəyib.

Qeyd edilir ki, qəzaya düşən “Ferrari F40” 1987-1992-ci illərdə  istehsal olunub. Superkarın təxmini  qiyməti 1.000.000 funt-sterlinq (bu gün ki məzənə ilə 2.201.600 manat) dəyərindədir.

Xatırladaq ki, “Ferrari F40”lar orta hesabla təxminən 1,8 milyon funt-sterlinq dəyərindədir (3.962.880 manat), ən bahalısı isə 2002-ci ildə ABŞ-da 3,965,000 dollara (6.740.500) satılıb.

Namiq Musayev