"Məhəllə Market"in sahibi məhəlləni mühasirəyə alıb - SAKİNLƏRDƏN ŞİKAYƏT - FOTO - VİDEO

Bakıda obyekt sahibinin yolu kəsməsi ilə bağlı redaksiyamızın qaynar xəttinə şikayət daxil olub. Avtosfer.az xəbər verir ki, videogörüntü paytaxtın Xudu Məmmədov küçəsində (245 saylı orta məktəbin yaxınlığında) yerləşən binaların birinin həyətində qeydə alınıb.

Belə ki, "Məhəllə Market"in sahibi mağazanın qarşısını mişar daşları ilə əhatəyə alaraq hərəkəti məhdudlaşdırıb. Redaksiyamıza müraciət edən sakinlər bildirirlər ki, yola düzülmüş maneələr onların hərəkətinə çətinlik yaradır.

Qeyd edək ki, İnzibati Xətalar Məcəlləsinin 354.0.4-cü maddəsinə əsasən, yola maneələr qoymaqla hərəkəti məhdudlaşdıran fiziki şəxslər səksən manatdan yüz manatadək məbləğdə, vəzifəli şəxslər dörd yüz manatdan beş yüz manatadək məbləğdə, hüquqi şəxslər üç min manatdan dörd min manatadək məbləğdə cərimə edilir.

Fərid