Müğənni Röya canlı yayında kəmər taxmamağı təbliğ edir – Elməddin Muradlı - VİDEO

“Yollar bizi ayırmasın” layihəsinin növbəti  buraxılışında yollarda baş hadisələrə yol hərəkəti qaydaları və nəqliyyat üzrə üzrə ekspert Elməddin Muradlı ilə aydınlıq gətirilib. Təbii ki, məşhurlar da müzakirə obyelti olublar. Layihə məşhurların yollardakı qəzalarından bəhs edir.

Məşhurların qayda pozuntusunu nümayişkanə olaraq videoya çəkib sosial şəbəkələrdə bölüşməsi sanki bir dəb halını alıb. Belə əməllər cəmiyyətdə birmənalı qarşılanmır. Bu tendesiyanın yayılması səbəbi, belə şəxslərin hansı məsuliyyəti daşıdığını nəqliyyat və yol hərəkəti qaydaları üzrə ekspert Elməddin Muradlı ilə aydınlaşdırmağa çalışımışıq.

Təəssüflə qeyd etmək lazımdır ki, məşhurlar bəzən etdikləri qayda pozuntularının fərqinə belə varmırlar. Bəzi hallarda isə hətta bilərəkdən yol hərkəti qaydalarını kobud şəkildə pozub, bunula da digər yol hərəkəti iştirakçılarına təhlükə yaradırlar.

Yollarda özlərinə və digərilərinə  təhlükə yaradan sürücülər avto xuliqanlardır. Öz aləmlərində avtoş kimi çağrılan bu şəxslərin hansı səbəbdən belə əməl törətdikləri olduqcaq maraqlıdır.

Qəzaların  baş vermə səbələrindən biri də sürücülərin yorğun və ya yuxulu vəziyyətdə avtomobil idarə etməsidir.

Azərbaycanın xalq artisti Flora Kərimova vaxtı ilə avtomobil idarə edib. Müsahibələrinin biirndə o belə deyib: anam mənə avtomobil aldı, mən də oturub sürdüm. 2 gündən sonra qəzaya düşdüm. Düz ay yarım onun əziyyətini çəkdim, nəfəs ala bilmirdim. Çox sürətlə sürürdüm, mənə ərkəsöyün yanaşdılar, ərkəsöyünlük etməyə icazə verdilər. Mən də elədim, ta ki, özüm utanmayana qədər. Gördüm ki, daha ağını çıxarmışam, onda özümü yavaş-yavaş yığışdırdım.

Müğənni Şəbnəm Tovuzlu dəfələrlə sükan arxasında qaydaları pozaraq sosial şəbəkə hesabında videogörüntü paylaşıb. Yolda etdiyi səhv addımlara görə, müğənnini dəfələrlə tənqid olunub. Avtomobili idarə edən zaman təhlükəsizlik kəmərindən istifadə etməməsinə dair qeydə aldığı videonu sosial şəbəkə hesabında paylaşıb.