Narkotikin təsiri altında olan sürücü ağır qəza törətdi; polisə müqavimət göstərdi - VİDEO

Narkotik vasitənin təsiri altında avtomobili yüksək sürətlə idarə edən sürücü ağır qəza törədib.

Avtosfer.az xəbər verir ki, ABŞ-nin Kaliforniya ştatında baş verən hadisənin görüntüləri sosial şəbəkədə paylaşılıb.

Belə ki, yüksək sürətlə idarə olunan “Dodge Challenger” işıqforun qırmızı işığında gözləyən bir neçə nəqliyyat vasitəsinə çırpılıb. Zərbənin təsirindən avtomobillərdən biri qarşısında dayanan başqa bir maşına da dəyib.

Qəza nəticəsində 1 nəfər ölüb, 6 nəfər xəsarət alıb.

Hadisədən sonra qaçmağa çalışan şəxs polisə müqavimət göstərib, lakin polis onu elektroşokla təhülkəsiz vəziyyətə gətirərək həbs edib.   

Polisin araşdırması zamanı 19 yaşlı şəxsin sükan arxasında narkotikin təsiri altında olduğu məlum olub.

Sözügedən hadisənin videosunu təqdim edirik:

Namiq Musayev