Oğlan səkidə gedərkən 14 yaşlı qızı maşının altına itələdi - VİDEO

Polis, məktəbli qızı yolun hərəkət hissəsinə itəliyərək avtomobilin onu vurmasına səbəb olan gənclə bağlı araşdırmalara başlayıb. Avtosfer.az xəbər verir ki, Rusiyanın Nijnekamsk şəhərində baş verən hadisənin görüntüsu sosial şəbəkədə paylaşılıb.

Kadrlarda bir qrup məktəblinin səki ilə hərəkət etdiyi və bir müddət sonra arxada olan gəncin əyləncə məqsədi ilə qızı yolun hərəkət hissəsinə itələdiyi görülür. Bu zaman hərəkətdə olan “BMW” markalı avtomobil qızı vurub və zərbənin təsirindən qız sərt şəkildə səkiyə çırpılıb.

Yerli medianın məlumatına görə, hadisə nəticəsində 14 yaşlı qız xəsarətlər alıb və xəstəxanaya yerləşdirilib.

Hazırda hüquq-mühafizə orqanlarının əməkdaşları araşdırma aparır.

Sözügedən hadisənin görüntüsünü təqdim edirik:

Namiq Musayev