Oğuzda maşın satan dələduz Bakıda peyda oldu - Beh alıb qaçır - VİDEO - FOTO

Maşın satışı ilə məşğul olan şəxsin dələduzluq etməsi ilə bağlı redaksiyamızın qaynar xəttinə məlumat daxil olub. Avtosfer.az-a müraciət edən zərərçəkmiş şəxs bildirir ki, almaq istədiyi avtomobil üçün ondan 250 manat beh tələb olunub.

Avtomobilin Oğuz rayonunda olduğunu bildirən dələduz behi aldıqdan sonra zənglərə cavab verməyib. Zərərçəkmiş şəxs bildirir ki, onun tanışlarından biri maşın almaq adı ilə həmin dələduza zəng edib: "Tanışım ona zəng edərək maşını almaq istədiyini bildirən zaman dələduz yenidən beh istəyib. Bu zaman ona inanmağımız üçün görüntülü danışmağı tələb etdik. Dələduz tələyə düşərək tanışımla görüntülü danışdı və onun üzünü videoqeydə aldıq. Oğuz rayonunda olduğunu bildirsə də, görüntülü danışıq zamanı məlum olub ki, Xocəsən qəsəbəsindədir" - deyə zərərçəkmiş şəxs bildirib.

O, dələduzluq edən şəxsin tez bir zamanda tapılıb məsuliyyətə cəlb edilməsini və dəymiş zərərin əvəzinin ödənilməsini istəyir.

Ümid edirik ki, hüquq-mühafizə orqanları həmin şəxsin məsuliyyətə cəlb edilməsi istiqamətində lazımi addımlar atacaq.

Könül Rauf