Paytaxtda avtomobil yol kənarında işləyən fəhləni vurdu - VİDEO

Rusiyanın paytaxtı Moskvada yol kənarında iş aparan işçilərdən birinin avtomobillə vurulma görüntüləri təhlükəsizlik kamerasına düşüb. Avtosfer.az xəbər verir ki, insident Qərb administrasiyası dairəsinin Solnçev rayonu ərazisində qeyd alınıb.

Kadrlarda, yol kənarında bir neçə işçinin işlədiyi və onlardan birinin diqqətsiz bir şəkildə yolu keçməyə çalışdığı görülür. Qəfildən yolun hərəkət hissəsinə çıxan piyadanı sol tərəfdən orta sürətlə hərəkətə olan avtomobil vurur və zərbənin şiddətindən piyada havada uçaraq, hadisəni görüntüləyən avtomobilə çırpılaraq yerə düşür.

Bildirilir ki, piyada çoxsaylı qırıqlarla rayon xəstəxanasına yerləşdirilib.

Namiq Musayev