Pəncərə silən 80 yaşlı qadın 6-cı mərtəbədən maşının üzərinə düşdü; sağ qaldı - VİDEO

Hündürmərtəbəli binanın eyvanından yıxılan yaşlı qadın park edilmiş avtomobilin üzərinə düşüb. Avtosfer.az xəbər verir ki, Rusiyanın Yekaterinburq şəhərində baş verən hadisənin görüntüləri sosial şəbəkədə paylaşılıb.

Kadrlarda park edilmiş avtomobilin üzərinə yaşlı bir qadının düşdüyü və sonra hərəkətlər edərək yerindən durmağa çalışdığı görülür.

Yerli medianın məlumatına görə, binanın 6-cı mərtəbəsində eyvanın şüşələrini silən 80 yaşlı qadın müvazinətini itirərək yıxılıb və park edilmiş “Hyundai” markalı avtomobilin üzərinə düşüb. Hadisədən sonra yaşlı qadın ona yaxınlaşan şəxslərlə ünsiyyət də qurub. Zərərçəkmiş xəstəxanaya aparılıb. Onun vəziyyəti ilə bağlı hələlik məlumatın olmadığı bildirilir.

Sözügedən hadisənin videosunu təqdim edirik:

Namiq Musayev