Prospektdə motosiklet sürücüsünü sıxışdırıb özündən çıxardılar: “..bir deyil, iki deyil” - VİDEO

Paytaxtın Babək prospektində qayda pozan sürücünün görüntüsü sosial şəbəkədə yayılıb.

Avtosfer.az-ın məlumatına görə, hadisə bir müddət əvvəl səhər saatlarında qeydə alınıb. Videodan göründüyü kimi, 99-GM-202 dövlət nömrə nişanlı “KIA” markalı avtomobilin sürücüsü manevr qaydasını pozub. O, sol zolaqda hərəkətdə olan motosikleti sıxışdıraraq həmin zolağa keçib. Lakin motosiklet sürücüsü onun bu hərəkətini cavabsız qoymayıb. Belə ki, əsəbiləşən motosikletçi ən sağ zolağa manevr edərək qayda pozan sürücünün önünə keçib və ardınca ona “Sizə elə belə lazımdır”, - deyə rəy bildirib. Bu vaxt hadisənin şahidi olan digər bir sürücü hirslənən motosikletçiyə “Səbrli ol” deyərək onu sakitləşdirməyə çalışıb.  Motosiklet sürücüsü isə daha da əsəbiləşərək  “Nə qədər səbrli olmaq olar? Bir deyil, iki deyil. Adam bezir artıq”, - deyə ona cavab verib. 

Nərmin