Qabağı göydə “07” ilə “hoqqa” verən sürücü yol boyu təhlükə saçdı - VİDEO

Bakı-Sumqayıt yolunda kobud qayda pozan sürücü avtomobilin videoregistratoruna düşüb. Avtosfer.az-ın məlumatına görə, hadisə mayın 31-də saat 23:47 radələrində qeydə alınıb. Kadrdan da göründüyü kimi, “VAZ-2107” markalı avtomobilin sürücüsü hərəkətdə olduğu zolaqdan qəfil sola manevr edib. Bu vaxt o, görüntünü qeydə alan sürücüyə təhlükəylə üz-üzə qoyub. Sürətlə yenidən sağa manevr edən “VAZ” sürücüsü yol boyu zolaqdan-zolağa keçərək hərəkətdə olan digər nəqliyyat vasitələrinə qəza şəraiti yaradıb. Eyni zamanda o, maşının yaylarını kəsərək ön hissəsini qaldırıb. 

Qeyd edək ki, video sosial şəbəkədə müzakirələrə səbəb olub. Hadisənin şahidi olan istifadəçilərdən biri, hətta sözügedən sürücünün irəlidə “iki təkər” qaldırdığını bildirib. 

Nərmin