Qəbələnin qaranlığa qərq olan yolları: turizm bölgəsinin problemləri bitib tükənmir - VİDEO

Qəbələ turizm, təbiət gözəllikləri və tarixi abidələri ilə ölkəmizin ən cazibədar rayonlarından biri kimi tanınır.

Avtosfer.az xəbər verir ki, rayonun infrastrukturda olan problemlər bəzi hallarda yerli sakinlərin və sürücülərin narazılığına səbəb olur. Məsələn, Zarağan-Ağdaş yolunun işıqlandırmasında olan nasazlıq gecə saatlarında təhlükəli vəziyyət yaradır. Xüsusilə kəndlərə dönən yolayrıclarında işıqlandırmanın olmaması bu təhlükəni ikiqat artırır.

Sakinlərin sözlərinə görə, mövcud problem uzun müddətdir ki, davam edir. Nəticədə qaranlıq yollar həm piyadalar, həm də sürücülər üçün çətinliklər yaradır. 

Məsələ ilə bağlı Qəbələ Rayon İcra Hakimiyyətinə ünvanlanan müraciətlərimiz və zənglərimiz cavabsız qaldı.  

Qeyd edək ki, Qəbələnin yollarının işıqsız qalması təkcə təhlükəsizliyə təhdid deyil, həm də turizm potensialına mənfi təsir edir.

Səfər