Qırmızıdan keçən polis maşını motosikletlə toqquşdu; bir polis öldü, digəri saxlanıldı - VİDEO

Polis əməkdaşının və motosiklet sürücüsünün öldüyü qəzanın görüntüləri kamera tərəfindən qeydə alınıb. Avtosfer.az xəbər verir ki, Rusiyanın Sankt-Peterburq şəhərində baş verən hadisənin videosu sosial şəbəkədə paylaşılıb.
Məlumata görə, hündürlükdən tullanmağı planlaşdıran azyaşlını fikirindən daşındırmaq üçün gedib və əməliyyatı uğurla yerinə yetirən polis əməkdaşları idarəyə qayıdarkən idarə etdikləri xidməti avtomobilin xüsusi səs siqnallarından istifadə edərək işıqforun qırımızı işığından keçiblər. Bu zaman sürətlə hərəkətdə olan motosiklet onlara çırpılıb. Qəza nəticəsində motosikletçi və sərnişin oturacağında olan polis əməkdaşı aldıqları xəsarətlərdən hadisə yerində ölüblər. 
Hazırda faktla bağlı araşdırma aparılır, xidməti avtomobilin polis sürücüsü saxlanılıb.

Namiq Musayev