Quba trasında yolun ortasında yatıb qalan gənci ölümdən qurtardılar - VİDEO

Bakı-Quba-Rusiya Federasiyası ilə dövlət sərhədi avtomobil yolunda təhlükə yaradan piyada görüntülənib.

Avtosfer.az-ın məlumatına görə, hadisə bir neçə gün əvvəl gecə saatlarında qeydə alınıb. Görüntüdən aydın olduğu kimi, gənc oğlan idarə etdiyi velosipedi ayrıcı betona söykərək yolun ortasında yatıb. Bu zaman o, həm öz həyatına, həm də hərəkətdə olan avtomobillərə qəza riski yaradıb. Xüsusilə günün qaranlıq saatlarında velosipedçinin bu əməli törətməsi ikiqat təhlükəyə səbəb olub. Xoşbəxtlikdən yoldan keçən sürücülərdən biri onu oyadıb və ehtiyatlı olmasını bildirib. Gənc isə cavabında yorğun olduğunu deyib.

Qeyd edək ki, görüntü sosial şəbəkədə qınaq obyektinə çevrilib. İstifadəçilərin bir qismi gəncin narkotik vasitənin təsiri altında olduğunu iddia ediblər.  

Nərmin