Sağ-sol edən sürücü ağır qəza törətdi – ANBAAN VİDEO

Hərəkətin sıx olduğu yolda sağ-sol edən sürücü ağır qəza törədib. Avtosfer.az xəbər verir ki, Türkiyənin İstanbul şəhərində baş verən hadisənin görüntüləri ətrafdakı təhlükəsizlik kamerası tərəfindən qeydə alınıb.

Kadrlarda qara rəngli avtomobilin hərəkətin sıx olduğu yolda nəqliyyat vasitələrinin arası ilə sağ-sol edərək sürətlə irəlilədiyi və bir müddət sonra sürücünün idarəetməsindən çıxdığı görülür. Avtomobil əvvəlcə zolaqayrıcına, ardınca işıq dirəyinə çırpılır.

Yerli KİV-in məlumatına görə, qəza nəticəsində sürücü və onun sərnişini müxtəlif dərəcəli bədən xəsarətləri alıb və onlar təcili tibbi yardım maşınları ilə xəstəxanaya aparılıblar.

Polis hadisə ilə bağlı araşdırma aparır.

Sözügedən qəzanın videosunu təqdim edirik:

Namiq Musayev