Sərxoş sürücü maşını hündürlükdən uşaq parkına salıb dava etdi – Qandallandı - VİDEO

Sərxoş sürücünün idarəetməsindən çıxan avtomobil 3 metrlik hündürlükdən aşağı düşüb.

Avtosfer.az xəbər verir ki, hadisə Türkiyənin Kocaeli bölgəsində baş verib.

Məlumata görə, alkoqollu içki qəbul etdiyi müəyyən olunan M.T adlı şəxs məhəllə yolunda avtomobilin sükan idarəetməsini itirib və təxminən 3 metr hündürlükdən park edilmiş nəqliyyat vasitələrinin üzərindən uçaraq uşaq parkına düşüb.

Ətrafdakı sakinlərin çağırışı ilə hadisə yerinə xilasetmə və polis qüvvələrinin əməkdaşları gəlib.

Dava-dalaş salan sərxoş sürücü polis əməkdaşları tərəfindən qandallanaraq bölməyə aparılıb.

Namiq Musayev