Sərxoş tutulub cərimə edilən sürücü yol polisi rəisinin maşınını yandırdı - VİDEO

Yol polisi rəisinin avtomobilini yandıran şəxs saxlanılıb. Avtosfer.az xəbər verir ki, Rusiyanın İrkutsk vilayətində baş verən hadisənin görüntüləri ərazidəki təhlükəsizlik kamerasına düşüb.

Belə ki, Bodaybo şəhərində bir şəxs binanın həyətində Dövlət Yol Hərəkəti Təhlükəsizliyi Müfəttişliyi rəisinin şəxsi avtomobilinin üzərinə yanar maye tökərək yandırıb.

Ətrafdakı insanlar vaxtında yanğına müdaxilə edərək qarşısını alıblar.

Hadisə yerinə gələn polis əməkdaşları ərazidəki kameralara baxış keçirdikdən sonra hadisənin törədən şəxsi saxlayıblar. Onun 38 yaşlı İrkutsk sakini olduğu məlum olub və ona qarşı əmlakın qəsdən zədələnməsi və ya məhv edilməsi maddəsi ilə cinayət işi açılıb.

İlkin məlumata görə, yanğının törədilməsinə səbəb şəxsin kin saxlaması olub. Bundan əvvəl yol polisi əməkdaşı sərxoş halda avtomobil idarə etdiyinə görə həmin şəxsə qarşı inzibati protokol tərtib edib.

Sözügedən hadisənin videosunu təqdim edirik:

Namiq Musayev