Şirkət maşınına arxadan çırpılan “BMW”nin sürücüsü və sərnişini qəzadan sağ çıxdılar - VİDEO

Ağır yol qəzasına düşən sürücü və sərnişini avtomobildən sağ çıxıblar. Avtosfer.az xəbər verir ki, hadisə aprelin 16-da səhər saatlarında Türkiyənin İzmir şəhərində baş verib.

Məlumata görə, hərəkətdə olan “BMW” markalı minik avtomobili sürücünün idarəetməsindən çıxaraq qarşıda hərəkətdə olan şirkət maşınına arxadan çırpılıb. Zərbənin təsirindən minik avtomobilin ön hissəsi deformasiyaya uğrayıb.

Yararsız hala düşən “BMW”nin sərnişin oturacağında olan bir nəfər avtomobilin içərisində sıxılmış vəziyyətdə qalıb. Qəzanın şokundan çıxan sürücü yolda qalan digər sürücülərin köməkliyi ilə sıxılmış vəziyyətdə olan dostunu avtomobildən çıxarıb.

Ətrafdakı vətəndaşların xəbər verməsi ilə hadisə yerinə polis və Təcili Tibb Yardım briqadasının əməkdaşları gəlib.

Hadisə nəticəsində yüngül xəsarətlər alan sürücü və sərnişin ilkin tibbi yadımdan sonra xəstəxanaya aparılıblar.

Namiq Musayev