Sükan arxasında "hoqqa verən" sürücülər - Vəsiqəsiz, pivə içən ... - VİDEO

Yollarda qayda-qanuna tabe olmayan, intizamsızlıq edən sürücülərin videoları sosial şəbəkələrdə yayılmaqdadır. Maraqlısı odur ki, “qəhrəmanlıqlarını” lentə alan gənclər bir çox hallarda elə özləri də videolarının yayılmasına təşəbbüs göstərirlər.

Avtosfer.az xəbər verir ki, təqdim olunan görüntülərdə sükan arxasında spirtli içki qəbul edən gənc sürücü həm də təhlükəsizlik kəmərindən istifadə etməyib. Digər kadrlarda isə xanım diqqətsiz tərzdə avtomobili idarə edir, kəmər də taxılmayıb.

Məlumata görə, həmin sürücü daima qayda pozaraq avtomobil idarə edib, hətta içkili vəziyyətdə də sükan arxasına keçib. Dəfələrlə polis əməkdaşları tərəfindən saxlanılaraq cəzalandırılıb. Buna baxmayaraq öz əməllərinə son verməyib.

Hər iki qayda pozan sürücüyə qanuna tabe olmağı və yollarda diqqətlə maşın sürməyi tövsiyə edirik. Çünki baş verə biləcək yol-nəqliyyat hadisələrində öz həyatlarıyla yanaşı başqalarının da həyatını məhv edə bilərlər.

Videogörüntüləri təqdim edirik:

Nərminə Əli