Svetoforun yaşıl işığı yanıb-sönəndə keçmək olarmı? - DYP sürücünü niyə cərimələyib? - VİDEO

Oxuculardan biri Avtosfer.az-a video göndərərək yol polisinin onu haqsız yerə cərimələdiyini idda edib. Sürücü deyir ki, svetoforun yaşıl işığı yanıb-sönəndə yolayrıcına daxil olub.

Bu zaman 99-YP-316 dövlət nömrə nişanlı patrul avtomobilində xidmət aparan DYP əməkdaşı onu saxlayaraq qayda pozduğunu bildirib. Eyni zamanda 60 manat, 3 bal cərimə yazıb. Avtomobildə videoqeydiyyatçı olduğundan sürücünün hansı anda yolayrıcına daxil olduğu aydın görünür. Yəni, qadağanedici işıqda keçmir. Diqqət etsək görürük ki, sürücü svetoforun yaşıl işığının sonuncu siqnalında keçib. Belə olduğu halda qayda pozuntusundan danışmaq düzgün deyil. Çünki bunun ardınca sarı işıq yanır. Sarı işıqda hərəkət qadağan edilsə də sürət həddi və arxadan gələn maşınla toqquşma riski nəzərə alınaraq hərəkəti davam etdirmək mümkündür.

Bu videoda yaşıl işıq hətta yanıb-sönürsə, deməli, azı 3 saniyə vaxt var. Bu da yolu keçmək üçün çox zaman kifayət edir.

Videonu təqdim edirik:

Fərid