Taksi sürücüsünə qarşı şok fırıldaqçılıq: Qazidən pul alıb ödəniş etmədən qaçdılar - VİDEO

Bakıda taksi sürücüsünə qarşı daha bir fırıldaqçılıq hadisəsi baş verib. Avtosfer.az-ın məlumatına görə, hadisə ilə bağlı taksi sürücüsü redaksiyamızın qaynar xəttinə müraciət edib. Onun sözlərinə görə, sifarişlə iki sərnişini Qaraçuxur qəsəbəsinə aparıb. Yolboyu sərnişinlərdən biri sürücüdən 30 manat məbləğində pulu kartla göndərməsini xahiş edib və yarım saat ərzində qaytaracağını bildirib. Sürücü onların səmimiyyətinə inanaraq və aldatmaq fikrində olmadıqlarını düşünərək məbləği göndərib.

Təyinat nöqtəsinə çatdıqdan sonra sərnişinlər üzərlərində nağd pul olmadığını, evdən gətirib verəcəklərini deyiblər. Sürücünü inandırmaq üçün onlardan biri sürücülük vəsiqəsini girov kimi təqdim edib. Sonradan məlum olub ki, fırıldaqçılıq edən vəsiqə sahibi 1987-ci il təvəllüdlü Qasımov Vüsal Əbdülağa oğludur. Onlar sürücünü aldadaraq ərazidən uzaqlaşıblar.

Qeyd edək ki, aldadılan taksi sürücüsü 44 günlük Vətən Müharibəsində iştirak etmiş qazidir. O, hüquq-mühafizə orqanlarına müraciət edərək həmin şəxslərin tapılıb məsuliyyətə cəlb olunmasını xahiş edir.

Fərid