Təkər oğurlayıb maşınla qaçarkən qəza törədən şəxsləri döyüb polisə verdilər - VİDEO

Təkər oğurlayıb avtomobillə qaçarkən qəza törədən şəxslər saxlanılıblar. Avtosfer.az xəbər verir ki, Argentinada baş verən hadisənin görüntüləri təhlükəsizlik kamerası tərəfindən qeydə alınıb.

Belə ki, iki nəfər şəxs park edilmiş nəqliyyat vasitəsindən təkər oğurlayaraq gəldikləri avtomobillə sürətlə ərazidən uzaqlaşarkən yol kəsişməsində motosikletlə toqquşub. Zərbənin təsirindən motosiklet aşıb və üzərində olan sürücü və sərnişini bir neçə metr sürükləniblər. Minik avtomobili isə yol kənarında başqa bir maşına çırpılaraq dayanıb. Piyada qaçmağa cəhd edən iki cinayətkar hadisə şahidləri tərəfindən yaxalanaraq döyülüblər və daha sonra polisə təhvil veriliblər.

Qəza nəticəsində motosiklet sürücüsü yüngül, sərnişini isə ağır xəsarətlər alıblar.

Sözügedən hadisənin videosunu təqdim edirik:

Namiq Musayev