Təkəri partlayan avtomobil dirəyə çırpıldı: 2 nəfər xəsarət alıb - VİDEO

Türkiyənin Qırıqqala vilayətində təkəri partlayan avtomobilin dirəyə çırpılma görüntüləri təhlükəsizlik kamerası tərəfindən görüntülənib. Avtosfer.az İHA-ya istinadən xəbər verir ki, insident səhər saatlarında mərkəzi Şirinevlər küçəsi ərazisində qeydə alınıb.

Məlumata görə, T.Ö. idarə etdiyi 71 DC 712 qeydiyyat nişanlı minik avtomobillə, hərəkətdə olan zaman sağ qabaq təkərinin partlaması səbəbindən sükan idarəetməsini itirərək işıq dirəyinə çırpılıb.

Nəticədə sürücü və salonda sərnişin qismində olan O.B. xəsarətlər alıb. Yaralılar, hadisə yerinə çağırılan ambulanslarla rayon xəstəxanasına çatdırılıblar.

Polis faktla bağlı araşdırmalara başlayıb.

Namiq Musayev