Təlimçiyə irad bildirən taksi sürücüsü özü də piyadanı vurmaqdan son anda yayındı - VİDEO

Paytaxt küçələrindən birində baş vermiş hadisənin görüntüsü sosial şəbəkədə müzakirələrə səbəb olub.

Avtosfer.az-ın məlumatına görə, “KIA” markalı təlim maşınını idarə edən sürücü piyadaya yol vermədən hərəkət edir. Ardınca o, piyadadan üzr istəyir. Hadisədən sonra taksi fəaliyyətiylə məşğul olan “Chevrolet”in sürücüsü maşına yaxınlaşaraq yan oturacaqda əyləşən təlimçiyə piyadaya yol vermədikləri üçün iradını bildirir. Bu vaxt qadın sürücü “Bildikdə. Guya ağıllısan? Müəllim nə etsin? Sükan arxasında mənəm” deyərək əsəbiləşir. Lakin bir müddət sonra taksi sürücüsü onlara irad bildirdiyi xətanı özü törədir. Kadrdan da göründüyü kimi, o, işıqforun qırmızı işığında hərəkət edərək yolu keçən piyadaya təhlükə yaradır. Qəzadan son anda qurtulan piyada onunla mübahisə etməyə başlayır. Hadisənin şahidi olan təlimçi “Bizdə səhv axtarırdı az qalsın piyadanı vurmuşdu” - deyə, rəy bildirir. 

Nərmin