TIR 5 maşınla toqquşdu: 1 ölü, 5 yaralı - VİDEO

Türkiyənin Kocaeli vilayətində 6 nəqliyyat vasitəsinin iştirakı ilə ağır yol-nəqliyyat hadisəsi baş verib. Avtosfer.az xəbər verir ki, insident ötən gün səhər saatlarında Çayırova rayonunun Şekerpınar Anadolu küçəsində qeydə alınıb. Bu barədə “Anadolu” agentliyi məlumat verib.

Məlumata görə, şəxsiyyəti müəyyənləşdirilməyən sürücünün idarə etdiyi 34 CKP 014 qeydiyyat nişanlı TIR, idarəetmədən çıxaraq yolun əks zolağa keçib və qarşıdan gələn 5 nəqliyyat vasitəsi ilə toqquşduqdan sonra aşıb. Nəticədə 6 nəfər müxtəlif dərəcəli bədən xəsarətləri ilə xəstəxanaya çatdırılıblar. Müalicəyə götürülən yaralılardan biri, həkimlərin bütün müdaxilələrinə baxmayaraq o, həyatını itib.

Faktla bağlı araşdırmalara başlanılıb.

Hadisənin görüntüləri təhlükəsizlik kamerasına düşüb.

Namiq Musayev