Toy karvanlarında qayda pozanlar gələcəkdə ağır cəzalandırıla bilər - SOS - VİDEO

Ölkə ərazisində indiyə qədər dəfələrlə toy karvanlarında yol hərəkəti qaydalarını kobud şəkildə pozan sürücülərin ucbatından ağır qəzalar baş verib və hər dəfə də ya kimsə ağır xəsarət alıb, yaxud da ölümlə nəticələnib.

Mövzu ilə əlaqədar Avtosfer.az-ın sosial şəbəkə hesablarında canlı yayımda şərh edən nəqliyyat eksperti Elməddin Muradlı deyib ki, əgər sürücülər toy karvanlarında qaydalara riayət etməsələr, bu məsələdə sərt qanunlar tətbiq ediləcək:

“İki gün öncə Biləsuvar rayonunda çox ağır hadisə baş verdi. Bu, dünya tarixinə düşə biləcək sensasiyalı hadisədir. Dünyanın bir çox kütləvi informasiya avsitələrində də bu xəbər yayıldı: Azərbaycanda 5 nəfərin ölümü ilə nəticələnən 1 yol nəqliyyat hadisəsi baş verib. Bu, toy karvanında olub. 1 hadisədə 5 nəfər itirimək çox ağır nəticədir. Təəssüf ki, həmin qəzada həlak olanl ikisi hərbi qulluqçudur. Bu hadisədə də taleyi, qisməti önə çəkməyək. Bütün bunlar əlimizdə olan vasitələrdən düzgün istifadə etməməyin nəticəsidir. Yəni toy karvanında kiməsə demirlər ki, get şou göstər, avtoxuliqanlıq et, qarşı yola çıxaraq ötmə əməliyyatı apar”.

Təşkil ediləcək taksi dayanacaqları mövzusuna da toxunan Elməddin Muradlı daha sonra izləyicilərin suallarını cavablandırıb. Həmin canlı yayımı sizə təqdim edirik:

Səfər