Xətaidə biabırçı vəziyyət: piyadaların yolunu kim satıb? - VİDEO

Paytaxtın Xətai rayonu Məhəmməd Hadi küçəsində biabırçı vəziyyət hökm sürür. Avtosfer.az xəbər verir ki, bu barədə vətəndaşlardan biri video çəkərək sosial şəbəkələrdə paylaşıb. Belə ki, insanların hərəkəti üçün nəzərdə tutulmuş səki yol boyu obyeklər tərəfindən zəbt olunub. 

Hətta obyekt sahibləri bununla da kifayətlənməyərək yolun hərəkət hissəsinə maneələr qoyaraq avtomobillərin saxlamasına əngəl yaradıb. Nəticədə avtomobillər ikinci sırada park edir, insanlar isə məcbur olub yolun ortası ilə hərəkət edirlər. 

Maraqlıdır ki, qeyd olunan ərazidə illərdir bu cür vəziyyət hökm sürür. Çünki qeyd olunan obyeklər köhnə ticarət və iaşə məkanlarıdır. Səkinin kimlər tərəfindən satıldığı və ya icarəyə verildiyi sualına cavabı isə yalnız Xətai rayon İcra Hakimiyyəti verə bilər. 

Yəqin ki, müvafiq qurumlar bu obyekləri illərdir "görə" bilmir.

Fərid