Xırdalanda sürücü vurduğu piyadanın yanında dayanıb yardım gözlədi - ANBAAN VİDEO

Bakı-Quba yolunun Xırdalan dairəsindən keçən hissəsində piyadanın vurulmasıyla nəticələnən qəza baş verib.

Avtosfer.az-ın məlumatına görə, hadisənin görüntüsü sosial şəbəkədə paylaşılıb. Belə ki, hərəkətdə olan 99-XM-737 dövlət nömrə nişanlı “Howo” markalı yük maşını yolu təyin olunmamış yerdən keçən piyadanı vurub. Qəzadan dərhal sonra sürücü maşını saxlayıb və huşunu itirən şəxsə yardım etməyə çalışıb. Piyadanı vuran sürücü yaralının xəstəxanaya yerləşdirildiyini və vəziyyətinin hazırda stabil olduğunu bildirib.

Qeyd edək ki, sözügedən ərazinin yaxınlığında piyada keçidi mövcuddur. Lakin görüntüdəki şəxs kimi bir qisim piyadalar yolun hərəkət hissəsindən keçərək həm özlərini, həm də sürücüləri təhlükəyə atırlar.

Nərmin