Xırdalanda yol çöküb, amma düzəldən yoxdur: Sürücülər təhlükə altındadır - VİDEO

Bir neçə gün öncə intensiv yağan yağışlar nəticəsində Xırdalan şəhərində asfalt örtüyü çöküb. Bu barədə bir neçə sürücü redaksiyamızın qaynar xəttinə şikayət ünvanlayıb. Avtosfer.az xəbər verir ki, Mehdi Hüseynzadə küçəsində ("Eko Park" yaşayış kompleksinin qarşısında) yolun çökməsi nəticəsində sağ zolaqda hərəkət mümkünsüzləşib. Sürücülər həmin yerdə əks yola çıxmağa məcbur qalırlar. Avtomobillərin çuxura düşməməsi üçün insalar çökmüş hissəyə maneə qoyublar.

Ümid edirik ki, aidiyyəti qurumlar tez bir zamanda yaranmış problemi aradan qaldıracaq.

Fərid