Xüsusi təyinatlılar üçün xüsusi “Gelandewagen” - VİDEO - FOTO

Avtosfer TV 21 İyun 2022 09:58 Oxunub 2374
Xüsusi təyinatlılar üçün xüsusi “Gelandewagen” - VİDEO - FOTO
WhatsApp kanalımıza abunə ola bilərsiniz

Parisdəki “EuroSatory” hərbi avtomobil sərgisində “Mercedes” şirkəti xüsusi təynatlı hərbi avtomobili təqdim edib. Avtosfer.az xəbər verir ki, “Classe G Caracal” adlı modelin istehsalında “Mercedes”, “Rheinmetal” və “Armored car Systems” şirkətləri ştirak edib. G sinif avtomobilin (Gelandewagen) bazasında hazırlanmış texnikada yüngül materiallardan istifadəyə üstünlük verilib. 6 silindrli Avro 3 standartına uyğun dizel mühərrik avtomobilə 140 km/saat sürət verə bilir. Tam komplektasiyada kütləsi 5 tona çatan 4x4 avtomobil üçün bu kifayət qədər yaxşı göstəricidir.
“Classe G Caracal” çoxfunksiyalıdır.  Avtomobildən şəxsi heyətin daşınması, mobil xəstəxana və ya düşmən arxasında fəaliyyət göstərən qruplara texniki yardım üçün istifadə etmək mümkündür. Avtomobilin xüsusi təyinatlılar üçün də ayrı bir versiyası hazırlanır. 
“Mercedes” şirkəti bildirib ki, “Classe G Caracal”ın satışı 2023-də başlayacaq. 

PS. İlk baxışdan oxucuda belə bir haqlı sual yarana bilər: 3 məşhur şirkətin 2023-də satışa çıxaracağı avtomobildə 2006-cı ildə başa çatmış Avro 3 standartının tətbiqininə səbəb nədir? Cavab sadədir: yuxarı sinif mühərrik hazırlamaq üçün elektronikadan ifrat istifadə mütləqdir. Lakin döyüş meydanında bahalı elektronikaya görə dayanmış mühərrikin və ya sıradan çıxmış sürət qutusunun doğuracağı fəsadı təsəvvür etmək çox da asan deyil. Mikrosxemlərin bolluğu texnikanın etibarlılığını azaldır.

 

Vüqar

 


 

FOTO QALEREYA
ŞƏRH YAZ
Ad

E-mail

Şərh